«Сот залынан» тележобасы жалғасын табуда
Ақмола облыстық сотында, аталмыш сот төрағасының ұсынысы бойынша шығарылған «Сот залынан» тележобасы өз жұмысын жалғастыруда. Жаз бойына демалыста болған қатысушылар, жергілікті қазақ драма театрының актерлері мен оқу орындарының студенттері тележобаны қайта түсіру жұмыстарына кірісті.
Отставкадағы судья Мерам Ғибәділов сюжеттерді өзі жазып, оған сәйкес актерлер мен студенттерді іріктеп, өз тәжірибесімен бөлісуде, бұл болашақта заңгер болам деген студенттерге үлкен сабақ болмақ. Сот жүйесінің күнделікті қызметі туралы халықты хабардар ететін, соттың беделін жоғарылату мақсатында жасалған бұл жоба жалғаса бермек.
