БАҚ-ға арналған брифинг
Павлодар облыстық соты бұқаралық ақпарат құралдары үшін ағымдағы жылдың тоғыз айы бойынша облыс соттары жұмыстарының нәтижелері және қоғамдық қызығушылық туғызған сот істері жөнінде брифинг өткізді.
Облыс соттары барлығы 39379 істі қараған. Бұл өткен жылдың осы кезеңімен салыстырғанда 3,2 % көп.
Қаралған істердің 70% азаматтық істер құрайды- 26844.
Осыған қоса, азаматтық істердің қаралуы бойынша Павлодар, Екібастұз және Ақсу қалалық соттарында жоғары жүктеме(52,9 іс) байқалды, бекітілген нормативтен 2,6 есеге асады.
Бас бостандығынан айырылғандар саны 43,8% азайған(өткен жылдың осы кезеңінде 728 тұлға болса, көрсетілген кезеңде 409 тұлға).
Аймақтағы соттар бойынша 15 тұлғаға 9 ақтау үкімі шығарылған, жазалаудың балама шаралары(айыппұл, қоғамдық жұмыстарға тарту және еркіндігін шектеу) жиі қолданыла бастады. Жазалаудың балама шараларын қолдану көрсеткіші 15,4% көбейді.
Павлодар қаласының мамандандырылған әкімшілік сотында қаралған күнбағыс майының және қарақұмықтың сатылым бағасының көтерілуіне келісім білдірген бәсекелестікке қарсы әкімшілік құқық бұзушылық бойынша сот істері көпшілікті қызықтырды.
Бұқаралық ақпарат құралдарына 2012 жылдан бастап Павлодар облысында ювеналды соттың ашылатыны жайында да хабарланды.
«Кәмелетке толмағандардың физиологиялық, психологиялық және басқа да құқықтық қырлары осындай соттардың ашылу қажеттігін көрсетті. Қазақстан бұл бағытта тәжірибеге ие, төрт жылдан бері Астана және Алматы қалаларында ювеналды сот қызмет етуде», - деді Павлодар облыстық сотының төрағасы Әуезнұр Қаженов.
