Бішкекте өткен «Орталық Азия елдерін біріктіру еркіндігі» аймақтық дөңгелек үстелге Қазақстандық делегациялар құрамына Жоғарғы Соттың судьясы Ақылтай Қасымов кірді. Форумға қатысушылар қатарында Орталық Азия елдерінің мемлекеттік құрылымдарының және үкіметтік емес ұйымдарының өкілдері, адам құқығы жөніндегі ұлттық институттың өкілдері бар.

Форумда ұлттық заңнамалардың халықаралық стандарттарға сәйкес келуі бойынша, біріктіру еркіндігі төңірегіндегі халықаралық стандарттарға жасалған шолумен танысты.

А.Қасымов атап өткендей, Қазақстандағы бейбіт түрде бірігу еркіндігінің кепілі Конституцияда тиянақталған. Ол «Қазақстан Республикасында бейбiт жиналыстар, митингiлер, шерулер, пикеттер және демонстрациялар ұйымдастыру мен өткiзу тәртiбi туралы» заңындағы құқықтық жолмен реттеледі. Сондай-ақ, бейбіт жиындарды реттеуде тиісті заңнамалармен қатар, осы төңіректегі заңдылықтарды бұзғаны үшін жауапкершіліктерді қарастыратын басқа да құқықтық нормативтік актілер де қолданылады. Мемлекет аталған құқықтардың сақталуы бойынша шаралар қабылдаған, ол тұтастай сақталады. Аталған құқықтардың бұзылуы туралы соттарға аз ғана шағымдардың келіп түсуі дәлел болуда. Мәселен, Астана қаласында соңғы үш жыл ішінде еркін бостандықта бейбіт шеру өткізу құқықғын қорғау және лауазымды тұлғалардың шешіміне дауласу жөнінде барлығы үш азаматтық іс қаралған. Ондағы екі шағым қанағаттандырылған. Алматыда 2007 жылдан бері осы санаттағы істер қазірге дейін мүлдем қаралмаған. Жоғарғы Сот судьясының пікірі бойынша мұның бәрі аталған құқықтың дұрыс сақталуының арқасында деп тұжырымдау қажет.

Еркіндік бірлестігінің құқығы ЕҚЫҰ-ның міндеттемесінде адамгершілік өлшемі бойынша, сондай-ақ адам құқығы жөніндегі негізгі халықаралық құжаттарда бекітілген. ЕҚЫҰ-ның және оған қатысатын 56 мемлекеттер әрбір адам өзінің құқығы мен бостандығын толықтай сақтауына жағдай жасауы тиіс.