Екібастұз қаласының мамандандырылған әкімшілік сотында өткен ашық есік күніне облыстық соттың төрағасы Е.Серекбаев, азаматтық істер жөніндегі алқа төрағасы Г.Рыспекова, судьялар этикасы комиссиясының төрағасы Р.Сүлейменов, тәртіптік-біліктілік комиссияның төрағасы Г.Әлжанов, облыстық соттың судьялары А.Шевченко, И.Даутов және соттар әкімшісі С.Ахметбеков аймақтардан келген азаматтарды қабылдады.

Азаматтардың ақысыз білікті заң консультацияларын алу туралы мәселенің өзекті болып тұрғаны, осы ашық есік күндері нақты көрінді. Халықтың сот жұмысына кінә артпайтыны байқалды. Көбісі түрлі құқықтық мәселер бойынша түсінік алуға келгендерін білдірді. Оларға заң консультациялары мен дауларды қарап және оның маңызы бойынша сот сатыларына жүгінудің тәртібін айтып берді. Осындай көмек үшін жүгінген әр түрлі өтініш иелеріне толық жауап берілді. Соттың шығарған шешіміне келіспеген азаматтарға, апелляциялық және қадағалау тәртібімен шағым келтірудің жөні мен құқықтық ізденудің жолы түсіндірілді.

Бірқатар азаматтар орындаушылардың сот шешімін орындауда оның тым ұзақ созбақталуына арыз келтіріп, қанағаттанбайтындарын білдірді. Екібастұз №2 аймақтық сот орындаушылары бөлімінің бастығы С.Жұмашевқа орындау өндірісінің материалдарын зерделеп, әрбір жағдайды талқылап, тез арада сот актілерін орындауға бағытталған, оған әсер ететін шаралар қолданып, өтінушілерге жауап беруді тездету ұсынылды.