Ақмола облыстық соты мен соттар әкімшісі Тәуелсіздік күні мерекесіне орай «Тәуелсіздік тірегі – мемлекеттік тіл» атты семинар-кеңес өткізді.

Ақмола облыстық сотының төрағасы А. Ештай семинарға қатысушыларды мерекелерімен құттықтап, оның маңыздылығы мен ерекшелігін атап айтты. «Қазақ елінің тәуелсіз мемлекет атанғаны, Қазақстан халықтары үшін ұлы мерекеге айналды. Бұл жылдары біз достығымыз бен татулығымыз, бірлігіміз нығайды. Сондықтан біздің барлығымызда мемлекеттік тілді дамытуға, оның беделін нығайтуға мүдделіміз» деді.

Семинардың жұмысына тілдерді дамыту басқармасының өкілдері, мемлекеттік органдардағы біліктілікті арттыру қызметкерлері, Ш. Уәлиханов және А. Мырзахметов атындағы университеттердің декандары, сондай-ақ облыстағы судьялар мен сот мамандары қатысты.