Қалыптасқан дәстүрге сай Ақтөбе облысының сот қауымдастығы Жаңа жыл қарсаңында денсаулығы төмен жетім балаларды тәрбиелеу мекемелерінде болып қайтты.

Судьялар Мәртөк ауданыны Жайсаң ауылындағы жүйке-санасы бәсең дамитын арнаулы мектеп-интернатта болды. Онда қазіргі кезде 125 бала бар. Судьялар ерікті түрде жинаған жалпы сомасы 150 мың теңгеге алған сыйлықтары екі көлемді теледидар, киім-кешек, оқу құралдары мен азық-түлікті сыйға тартты.

Облыстық соттың судьялары Тамды балалар интернатындағы мектептің Жаңа жылдық шырша мерекесіне де қатысты. Ақтөбе облыстық сотының судьясы Нұрия Сисенова облыстағы соттар қауымдастығы атынан балаларды мерекелерімен құттықтады. Осындағы тәрбиеленушілер үшін жалпы сомасы 150 мың теңгені құрайтын сыйлықтарды тарту етті. Сыйлық иелері балаларға кір жуғыш машина, киім-кешек пен азық-түліктің түр-түрін тарту етті. Ал балалар өз кезегінде алғыс ретінде қонақтарға арнап, тартымды концерт қойып берді.